2018年5月13日 星期日

香港人點樣開通微信支付內地錢包?

 三個步驟其實好簡單

喺內地無論你買幾多錢野都好,少到買報紙幾蚊雞,只要用手機打開微訊掃一掃就過到數。

不過呢個方法只限內地版微訊,而香港人就算開左Wechat Pay同連結左信用卡都好,都係過唔到錢入內地版錢包,喺大陸都係比唔到錢的。

其實香港人要開內地版微信錢包都好簡單,只要預備三樣野就可以過到實名認證同埋Chok到個內地版微信錢包出黎(有部份人係只得香港錢包,整極都極唔到個內地版微信朋友出黎),呢一篇文就係一個實用教學,一齊睇睇。

基本概念:
由於內地同香港嘅銀行唔可以直接有連埋,所以成個生態係斷開左。內地版微信錢包還內地版,香港版還香港版。假如有大陸朋友比紅包你而收到錢,係只可以喺大陸用,而過唔到錢黎香港呢邊的,相反一樣。


解決方法,就係香港人上深圳開一個銀行戶口,再連埋微訊支付錢包。

開通內地微信錢包需要資料:

1)內地實名認證手機號碼
2)內地銀行戶口
3)開埋內地銀行戶口嘅網上理財


有齊呢三樣野,基本上已經可以過到內地版微訊支付既實名認證而成功開通到啦!而到底點樣預備好上面呢3樣野,下一篇有詳細介紹的。

香港人如何切換微信支付中國錢包?

呢期手機用微信支付喺香港都開始普及,唔少人都開通左香港版wechat pay喺便利店超市同阿信屋等地方用過,但其實除左香港版之外,仲有內地版微信支付,如果喺內地使用微信支付就要換返個錢包地區,如果唔係就用唔到架喇。
先講一講個基本概念先:
由於內地同香港嘅銀行唔可以直接有連埋,所以成個生態係斷開左。內地版微信錢包還內地版,香港版還香港版。假如有大陸朋友比紅包你而收到錢,係只可以喺大陸用,而過唔到錢黎香港呢邊的,相反一樣。

如何切換錢包地區?
1)我的設定=》錢包


2)右上角設定=》切換錢包地區=》轉成中國或者香港